ZAR NI CAMERAMAN

Blog Post New Entry

27-3-2011 (SUNDAY) ဆိုဒ်စတင်ပါသည်။



view:  full / summary

အလင်းရောင်ညှိထွန်းပါဘိ

Posted by zar ni aung on March 28, 2011 at 10:34 AM Comments comments (0)

 

 

- အမှောင်ထဲမှာ ၊ သင်လျှောက်ပါက

“ ချောက် ” “ တာ ” “ ခလုတ် ” “ ဆူး ” “ ချုံပုတ် ” နှင့်

“ ငုတ် ” ကို မမြင် ၊ မရှောင်ကြဉ်နိုင် ။

- အမှောင်ထဲမှာ ၊ သင်စားပါက

“ အာဟာရ ” လား ၊ “ အဆိပ် ” လားဟု

ခွဲခြားမမြင် ၊ မဆင်ခြင်နိုင် ။

- အမှောင်ထဲမှာ ၊ သင်အိပ်ပါက

“ မိတ်သဟာ ” လား ၊ “ ရန်သူ ” လားဟု

ကွဲပြားမမြင် ၊ မပြင်ဆင်နိုင် ။

- အမှောင်ထဲမှာ ၊ မရေရာတည့်

သက်တာ အဆုံး ၊ အမှောင်ဖုံးသော်

ရှုံးသည်လူဖြစ် ၊ နုံးနွံနစ်လိမ့် ။

- “ အလင်း” ဟူသည်မှာ ၊ “ဥာဏ်ပညာ ” တည့်

“ ပညာ ” ရအောင် ၊ “ စာ ” ကဆောင်၏

အမှောင်ဘ၀ ၊ အစဉ်ညကို

ဘ၀အမှောင် ၊ ၀မ်းခေါင်ခေါင်ကို

ကြည်အောင် အေးအောင် ၊ မွှေးအောင် လန်းအောင်

“ စာ ”လင်းရောင်ညှိ ထွန်းပါဘိ

အသိအလင်း ရပါမည် ။

ဘ၀ အလင်း ရပါမည်။ ။

 


ပညာလူသား သို့

Posted by zar ni aung on March 28, 2011 at 10:31 AM Comments comments (0)

- ပညာရှင်သည်၊သန်းထောင်ချီသည့်

ဖြစ်တည်ရှည် ငြား၊ နှစ်လျှားလျှားတွင်

ကွယ်သွားခဲ့သော၊ဒိုင်နိုဆော ၏

မာကြောရိုးစု၊ ကျောက်ဖြစ်မှုကို

သုတေသန ၊ ဖွေမှန်းဆ၏ ။

-သည်ကမ္ဘာမြေ၊သန်ဓေတစ်ပွက်

မြောက်မျိုးဆက်တို့၊ ထလျှက်ပြေး လွှား

ဂူနေများက ၊ စားသည် “ ကျောက်ခေတ်”

စားသည် “ ကြေးခေတ်”၊ စားသည်“သံခေတ်”

စားသည် “လျှပ်စစ်” ၊နှစ်သန်းဖြစ်တည် ။

- အနှီမျိုးဆက်၊လောဘတက် ရွေ့

စစ်မက်ကိုပြု၊ မြေကိုလု၏

စက်မှုတစ်ခေတ်၊စွမ်းအင်ဖြစ်သည့်

သစ်ကိုလည်း ရှို့၊ ရေနံရှို့ ၏

သို့တွက်တောပြုန်း၊လောင်စာ ပြုန်းလျှက်

ကတုံး ကမ္ဘာ ၊ အနှစ် ဗလာ နှင့်

ဖြစ်ရှာရပြီ ၊ ဖြစ်ရပြီ ။

- အနှီမျိုးဆက်၊ယနေ့ရက်သော်

လက်နက်“နျူကလီးယား”၊ဗုံးများသွန်းထု

“ယဉ်ကျေးမှု”အသစ်၊“ဆက်သွယ်မှု”အသစ်

“ပို့ဆောင်မှု”အသစ်၊“စဉ်းစားမှု”အသစ်

“နယ်ချဲ့မှု”အသစ်၊”---------” အသစ်

“-----------” အသစ်၊“ကြုံတွေ့မှု” အသစ်။

- မျိုးဆက်တစ်လွှာ၊ကိုယ်ကျိုးရှာ ရွေ့

ကမ္ဘာ မကြိုက်၊ အောက်ဆိုက် ကာဗွန်

သွန်ချက်ထုတ်ချက်၊ ဂေဟပျက်ပြီ

မြင့်တက်ပိူချိန်၊ ရေမငြိမ်တော့

နေရှိန်ထိုးဖေါက်၊အိုဇုန်းပေါက်ပြီ

တောင် မြောက်ရိုးစွန်း၊ရေခဲကျွန်းများ

ပျော်စီးသွားကြ၊မုန်တိုင်းကြွလျှက်

လေကပိုင်းဖြတ်၊လှိုင်းကသတ် ရွေ့

ထပ်ထပ်သေသည်၊သိန်း သန်း ချီ။

- အို ပညာရှင်၊ ကမ္ဘာက မူ

လူသူကင်းမဲ့ ၊သက်ရှိ မဲ့ နှင့်

ဂြိုလ် မဲ့ဖြစ်စေ၊ ဂြိုလ် ဖြစ်စေတည့်

ပူဝေလည်းရှင်၊အေးလည်းရှင်လျှက်

ခရီးဆက်မည်၊သေချာသည် ။

- နောက် ကမ္ဘာမြေ၊သန်ဓေ တစ်စ

ရှင် ရွေ့ ရသော၊သတ်တ မျိုးဆက်

လှုပ်လျှက်သက်ဝင်၊ ခရီးစဉ် နှိုက်

ယဉ်ကျေးသော ခါ၊ တူးဆွကာ ဖြင့်

တစ်ခါက“လူ”

“အနုမြူ” ပိုင်၊ “ဂြိုလ်တု” ပိုင်လျှက်

“အင်တာနက်” ပိုင်၊“အီးမေး”ပိုင်ကို

ရှာနိုင် ရရေး၊ အောက်မေးရုပ်ကြွင်း

သွားရုပ်ကြွင်းတို့၊ ကျန်ခြင်းဖြစ်အောင်

သင်ကြံဆောင်ပါ “ပညာရှင်”

မဟာလူသား “ သင့်စွမ်းအင်” ။

 


လုံလောက်ခြင်း မလုံလောက်ခြင်း

Posted by zar ni aung on March 28, 2011 at 10:29 AM Comments comments (0)

“ယခုအခါ အားလုံးသောလူသားတို့သည် မလုံလောက်ခြင်းနှင့် နပန်းလုံးနေရသည်” ဟူသော

အဆိုကိုက်ျစာစု၏ ဆိုလိုရင်းအဖြစ်စတင်ချင်ပါသည်။ ကုံလုံကြွယ်ဝသူများကမူ မလုံလောက်ပါဟုဆိုခြင်းကို

သည်းသည်ဟု ယူနိုင်ပါသည်။ ယနေ့ခေတ်သစ်ပတ်ဝန်းကျင်နှင့်စရွေးကိုက် နေနိုင်ရေးမှာ မည်သူမျှ

လုံလောက်သော အတွေ့အကြုံ နှင့် အသိဥာဏ် ရှိမနေကြောင်းမှာ အမှန်ပင်ဖြစ်ပါသည်။ ထိုအချက်သည်

ပင်နိုင်ငံတစ်နိုင်ငံ နှင့်တစ်နိုင်ငံ ၊လူမျိုးတစ်မျိုး နှင့် တစ်မျိုး ကွာဟသွားမှုဖြစ်ပါသည်။ ပညာခေတ်သစ်၏

စိန်ခေါ်သောလိုအပ်မှုများကိုလုံလောက်စွာလိုက်ပါနိုင်သူများက ယနေ့ကမ္ဘာတွင်ထိပ်တန်းရောက်လာ

ကြပါသည်။ တတိယလှိုင်းကို အလိုက်သင့်စီးနှိုင်သူများဟုဝိဂြိုလ်ပြုပါသည်။

လူသားတို့သည် ခေတ်ပြိုင် လူ့အဖွဲ့အစည်းတွင်နေထိုင်ပြီး ခေတ်ပြိုင်ပြသနာများနှင့်ရင်ဆိုင်

နေကြရပါသည်။ အနှီပြသနာများကိုဖြေရှင်းနိုင်သော အသိဥာဏ် ရှိသူပေါများသည့် နိုင်ငံတို့အဖို့မူ

အမျိုးသားရေးအတွက် စိတ်လက်အေးချမ်းစွာ အစီအစဉ်များချမှတ်နိုင်ပါသည်။ နည်းပညာကွာဟမှု

သည် ပြသနာ၏ အကြီးမားဆုံးအရင်းအမြစ်ဖြစ်ပါသည်။ အခြားသော စိန်ခေါ်မှုများဖြစ်သည့် ကမ္ဘာလုံးချီ

စီးပွားရေးအ၀န်းအ၀ိုင်းထဲ မ၀င်နိုင်ခြင်း၊ အမျိုးသားယဉ်ကျေးမှုနှုန်းစံများ တိုက်စားခံရခြင်း နှင့် ကမ္ဘာ့

အဆင့်မီပညာရေးစနစ်ကိုမချမှတ်နိုင်ခဲ့ခြင်းများပါဝင်သည်။

“ပညာ” ဟူသောစကားလုံး၊ “ ပညာခေတ်” ဟူသောစကားလုံးတို့နောက်ကွယ်တွင်လူတစ်ဦချင်းစီ၏ ဘ၀များအတွင်းသို့ ပညာဟူသောဝိသေသ သည်ခုံဝင်လာလျှက် “ဘ၀ဂီယာ”

အဖြစ်တည်ရှိလာပါသည်။ အလုပ်တွင်ပညာအလုပ် ၊အရင်းအနှီးတွင်ပညာအရင်းအနှီး ၊ ၀န်ဆောင်မှုတွင်

ပညာဝန်ဆောင်မှု၊ အလုပ်သမားတွင်ပညာအလုပ်သမား ၊ စသည်ဖြင့်ကဏ္ဍမျိုးစုံတွင် ပညာခေါင်းတပ်

လာပါသည်။ အမှန်တကယ်လည်း ပညာသည်အဆင်းတန်ဆာမဟုတ်တော့ဘဲ လူ့အဖွဲ့အစည်း၏

ဒိုင်းနမိုက်အင်အားဖြစ်လာပါသည်။ မျက်နှာစာမျိုးစုံတွင် ပညာအခြေခံအားမကောင်းပါက နောက်ကျကျန်

ရစ်တော့မည်ဖြစ်ပါသည်။

သို့အတွက်လူတိုင်းသည် သာမန်အသိဖြင့်မလုံလောက်သောအခြေအနေဖြစ်ပါသည်။

အခြေခံအကျဆုံးဖြစ်သည့် ကမ္ဘာ့အဆင့်မီပညာရေးလမ်းကြောင်းပေါ်သို့ရောက်ရှိပြီး ကမ္ဘာ့အဆင့်မီ သိပံ

ပညာကိုလေ့လာနိုင်ရေးအတွက် ကမ္ဘာသုံးစကားတတ်ကျွမ်းရေး၊ယနေ့မောင်းနှင်နေသည့်ကွန်ပျူတာ

တတ်ကျွမ်းရေး တို့မှာနိုင်ငံတိုင်း၏ အမျိုးသားပညာရေးလိုအပ်ချက်ဖြစ်လာပါသည်။

နိုင်ငံဖြတ်ကျော်ရင်းမြစ်ရှာဖွေမှု၊ ကွန်ပျူတာကွန်ယက်ဖြင့်ထိန်းသိမ်းဆောင်ရွက်သည့်ကုန်

သွယ်ဝန်ဆောင်မှုနှင့်အခြားလုပ်ငန်းစဉ်များက မည်မျှသိရ်ျ မည်မျှလုပ်ဆောင်နိုင်စွမ်းရှိပြီလဲ ဟူသော

မေခွန်းများကိုစက္ကန့်မလပ်မေးနေခဲ့ပြီဖြစ်ပါသည်။ နည်းပညာပေါက်ကွဲသောအဟုန်ဖြင့်ဖြစ်ထွန်းတိုးတက်

နေသော ယနေ့ခေတ်၏တောင်းဆိုမှုသည်မိသားစုတိုင်းနှင့်သက်ဆိုင်လာပါသည်။

မိမိရှင်သန်နေသောခေတ်ကြီးကိုမှန်မှန်ကန်ကန်သုံးသက်ရှုမြင်လာနိုင်သောအခါ မိမိတို့သိ

ထားသောအသိတရားများသည်လုံလောက်ခြင်း၊မလုံလောက်ခြင်းမှာစဉ်းစားစရာအရေးပါသောနေရာသို့

ရောက်ရှိလာတော့သည်။ သေချာသည်က ယနေ့သိသောအသိထက်ပိုမိုသိရန် ယနေ့မဖြည့်ဆည်းနိုင်

လျှင် မနက်ဖန်အသက်မွေးဝမ်းကြောင်းမှု မသေချာတော့ခြင်းပင်ဖြစ်ပါသည်။ ကိုယ့်ထက်သိသော

ပုဂ္ဂိုလ်များ၊ကိုယ့်ထက်တက်သောပုဂ္ဂိုလ်များကိုယ့်နေရာကိုဝင်ယူရန် အဆင်သင့်ဖြစ်နေကြောင်းမှာ စိုးရိမ်

ဖွယ်ရာဖြစ်လာပါသည်။ သို့ဆိုလျှင်မိသားစု ဘ၀အာမခံနိုင်ရေးအတွက် ပညာသင်ကြားရေးအစီအစဉ်ကို

မိသားစုအလိုက်ချမှတ် ရတော့မည့်ခေတ်ကိုရောက်ရှိပါပြီ။ က်ျအခြင်းအရာအတွက်အသက်ကန့်သက်မှု

ဘောင်မရှိတော့ပါ။

အလားတူပင် အဆိုပါလုပ်ငန်းမှာ အမျိုးသား၊အမျိုးသမီး၊ ဆင်းရဲ၊ ချမ်းသာကန့်သက်ချက်များမှကျော်လွန်ပါသည်။ ပညာရှင်တို့ပင်လျှင်ပညာရပ်တစ်ခုတည်း၌ကျောက်ချ၍မရ

တော့ဟူသောခေတ်တွင်ပေါက်ပြားတစ်လက်ကိုင်တက်ရုံ ၊တူတစ်လက်ကိုင်တက်ရုံ အသိတရားဖြင့်

လုံလောက်မှုမရှိကြောင်းမှာဆိုဖွယ်မရှိပါ။ တက်သိဖွယ်ရာများပြည့်ကြပ်လာသော ကမ္ဘာကြီး တွင်နေရာ

တစ်နေရာရနိုင်ရေးအတွက်မူ မိမိ၏ဦးခေါင်းတံခါးကို ဖွင့်ထားမှတော်ကာကျပါမည်။

လယ်တောထဲမှ နွားများထွက်ခွာသွားကြပြီး ထွန်စက်များရောက်လာသည်ကိုလက်ခံနိုင်ရပါမည်။ အဆိုပါထွန်စက်၏ လုပ်ဆောင်နိုင်စွမ်းကိုသိအောင်သင်ကြားရပါမည်။

ရုံးခန်းထဲမှ လက်နှိပ်စက်များပျောက်ကွယ်သွားကြသည်ကိုလက်ခံနိုင်ရပါမည်။ကွန်ပြူတာကွန်ယက်ဖြင့်

ရုံးလုပ်ငန်းဆောင်ရွက်ခြင်းကိုသင်ကြားကြရပါမည်။ က်ျသည်မှာ မိသားစုများထဲမှ အဖေကြီးတို့အတွက်သင်ကြားရေးနမူနာများပင်ဖြစ်ပါသည်။

အနာဂတ်နိုင်ငံတော် ကိုသယ်ဆောင်သွားမည့်မျိုးဆက်သစ်များအတွက်မူ အသိပညာ

ရှာဖွေရာ၌ အကြီးအကျယ်ပြောင်းလဲသောအစီအမံများကို မိသားစုအလိုက်ဆောင်ရွက်ကြရပါတော့မည်။

“ငါတို့ဘာကြောင့်ကျောင်းတက်ရတာလဲ” ဟူသောအဖြေကိုဝတ္တရားကြောင့်ဟူသော ဓမ္မတာကို

ကျော်လွန်နားလည်အောင် အသိပေးကြရပါမည်။ မိခင် ဖခင်တို့သည်က်ျသို့ အခင်းအကျင်းရှိသောကမ္ဘာ

ကြီးထဲတွင် မိမိသားသမီးများကို မည်သည့် အရည်အသွေးနှင့် ထားခဲ့ကြမည်နည်း။ မိမိတို့၏နိုင်ငံ ၊

မိမိတို့၏ အမျိုးသားအမွေအနစ်များ ကိုအပ်နှံထားခဲ့ရမည့် မျိုးဆက်သစ် တို့ကိုမည်သို့ဖွဲ့တည်မည်နည်း။

အလွန်အရေးကြီးသောအချိန်သို့ရောက်ပါပြီ။

မျိုးဆက်သစ် လူငယ်အချို့ ကုမ္မဏီများတွင်စီအီးအိုတာဝန်ယူနေကြောင်း

မီဒီယာများ၌ မြင်တွေ့ရသောအခါများတွင်လည်းကောင်း၊ ကွန်ပျူတာအပါအ၀င်အခြားနယ်ပယ်များ၌

ထူးခြားစွာဆောင်ရွက်နိုင်ကြကြောင်းကြားသိရသောအခါများ၌လည်းကောင်း လက်ပန်းပေါင်းထခတ်ချင်

လောက်အောင် ၀မ်းမြောက်ဝန်းသာဖြစ်ရပါသည်။

မိမိ မိသားစု၊မိမိပတ်ဝန်းကျင်မှ အနာဂတ်ပိုင်ရှင်လေးများယနေ့သိနေသော

အသိဖြင့်မလုံလောက်နိုင်ကြောင်း၊ ကမ္ဘာ့အဆင့်မီ အသိများရှာဖွေရမည်ဖြစ်ကြောင်း ၊ထိုအသိများကို

ကျောင်းတွင်းသင်ရိုးညွှန်းတန်းများမှလည်းကောင်း ၊ ဘ၀၀န်းကျင်မှလည်းကောင်းရရှိနိုင်ကြကြောင်း

နားလည်စေရမည်ဖြစ်သကဲ့သို့ အေးချမ်းစွာပညာသင်ယူနိုင်သောအခြေခံသရုပ်များကို

ဖန်တီးပေးကြရမည်ဖြစ်ပါသည်။

ဆိုပါရလျှင် မိသားစုလိုက်အသိဥာဏ်တိုးတက်ရေးစီမံကိန်းသည် ရေရှည်စီမံကိန်း

ဖြစ်ပါသည်။ သားတို့ခေတ်၊သမီးတို့ခေတ် ကိုမျှော်ရုံတင်မက ၊မြေးတို့ခေတ် ၊မြစ်တို့ခေတ် သားစဉ်မြေးဆက်မျှော်ထောက်လုပ်ဆောင်ကြရမည့်စီမံကိန်းမျိုးဖြစ်ပါသည်။လူ့စွမ်းအားအရင်းအမြစ်

စုဆောင်းခြင်းမှာ ရုတ်ချည်းအကြိုးသက်ရောက်မှု ကိုပြနိုင်မည်မဟုတ်ပါ ။၁၈၆၇ ခုနှစ်တည်းကမေဂျီ

ပြုပြင်ပြောင်းလဲရေး အမည်ဖြင့် လူ့စွမ်းအားအရင်းမြစ်ကိုတည်ဆောက်ခဲ့ သော ဂျပန်နိုင်ငံသည် ကမ္ဘာ့

အလည်တွင် ပညာဖြင့်ခေါင်းထောင်နိုင်သည်မှာ ဆယ်စုနှစ်နှစ်ခုမျှသာရှိသေးသည်။ယခုအခါ နည်းပညာလွန်နိုင်ငံအဖြစ်ကြိုးပမ်းနေသော စင်ကာပူနိုင်ငံမှာ၎င်းတို့လွတ်လပ်ရေးရသည့် ၁၉၆၅

ခုနှစ်ကစတင်ကာ ကလေးများကိုပညာသင်ကြားလျက် လူ့စွမ်းအားအရင်းအမြစ်ကိုစုဆောင်းခဲ့ပါသည်။

ကြာချင်လည်းကြာမည်။မြန်ချင်လည်းမြန်ပါမည်။ သည်တောအုပ်ကို ဇွဲ၊လုံ့လ၊၀ရိယ တို့ဖြင့်

ဖြတ်သန်းကြရမည်မှာအမှန်ပင်ဖြစ်ပါသည်။

 


ရိုးဂုဏ်

Posted by zar ni aung on March 28, 2011 at 10:26 AM Comments comments (0)

ကျွန်ုပ်တို့သည် မူယာမာယာများ တတ်သော သဘောရှိသည့်လူသားများဖြစ်ကြပါသည်။

ကျွန်ုပ်တို.သည် နေ့စဉ်နှင့်အမျှ ရိုးသာခြင်းနှင့်မရိုးသားခြင်းတို.ကိုနေ့စဉ်နှင့်အမျှကြုံဆုံနေရပါသည်။

မရိုးသားသူသည် လူမှုရေးနယ်ပယ် တွင်အများ၏ ရှောင်ကြည်ခြင်းကိုခံရတတ်ပါသည်။

လုပ်ငန်းခွင် တွင်လည်း ကိုယ့်အထက်လူကြီးများ၏မယုံကြည်မှုကိုခံရကာအောက်တန်းနောက်တန်း

ကျရသည့်အဖြစ်ကို အလိုလိုရောက်သွားတတ်ပါသည်။

မရိုးမသားဆက်ဆံရေးသည် ထိုမရိုးမသားမှုပေါ်ပေါက်လာသောအခါ အတိုးမရသည့်အပြင် အရင်းပါဆုံးရှုံးရတတ်ပါသည်။

ရိုးသားခြင်းသည် လူ့ဂုဏ်သိက္ခာ တက်စရာသာဖြစ်ပါသည်။ ဦးစွာဆောင်ရွက်ရမည်မှာ

မိမိကိုယ်ကို မိမိရိုးသားခြင်းပင်ဖြစ်ပါသည်။

မရိုးမသားပြုမှုသည် ပြစ်မှုအဆင့်သို့မရောက်လျှင်တော်ပါသေးသည်။မရိုးမသားပြုမှုသည် ပြစ်မှုအဆင့်ရောက်ခဲ့လျှင်ဥပဒေ၏အဆုံးမကိုခံရမည်ဖြစ်ပါသည်။မရိုးသားမှုကြောင့်

ဘ၀ပျက်ရပါလိမ့်မည်။

ရိုးသာမှုသည် ပေးစရာတစ်ခုလည်းဖြစ်ပါသည်။ကျွန်ုပ်တို့၏ရိုးသားမှုကို ကျွန်ုပ်တို.နှင့်

ယှက်နွယ်သမျှအားလုံးသို့ပေးနိုင်ကြပါသည်။

“ကျွန်ုပ်တို့မြန်မာများ ရိုးသားကြပါသည်” ရိုးဂုဏ်ကိုအရှည်ထိန်းသိမ်းခြင်းဖြင့် အေးချမ်းသာယာသောစိတ်ချမ်းမြေ့ဖွယ်လူ့အဖွဲ့အစည်းတစ်ရပ်အဖြစ် ထာဝရတည်ရှိနေမည်

ဖြစ်ပါသည်။

 

 


ရှက်ပြုံး

Posted by zar ni aung on March 28, 2011 at 10:25 AM Comments comments (0)

တချို့က“ချစ်လို့” ပြုံးကြ

 

တချို့က“ညစ်ဖို့”ပြုံးကြ

 

တချို့က“နွဲ့လို့”ပြုံးကြ

 

တချို့က“ခနဲ့ဖို့”ပြုံးကြ

 

တချို့က “လှလို့”ပြုံးကြ

 

တချို့က “မဖို့”ပြုံးကြ

 

တချို့က“ရှုံးလို့”ပြုံးကြ

 

တချို့က“မုန်းဖို့”ပြုံးကြ

 

တချို့က..............

 

တချို့က..............

 

ကိုယ့်အပြုံးမှန်မမှန်

 

ဝေဖန်ကာဆန်းစစ်ကြည့်

 

ကိုယ့်ကိုကိုယ် အနေခက်

 

ရှက်ရှက် ပြုံးမိ.............

 

ဂျိမ်းစ်ကြောင်

 


မုန်းကြစို့ဗျာ

Posted by zar ni aung on March 28, 2011 at 10:22 AM Comments comments (0)

-လူသားတွေအတွက်

 

တိုးတက်တဲ့ခေတ်

 

အသစ် အသစ်ရှာလို့

 

“ပလပ်စတစ်ကမ္ဘာ” ကိုတွေ့ခဲ့တယ်။

 

 

-မြန်မာမှာ

 

အစဉ်လာ အင်ရွက်

 

စလူဖက် နှင့် ငှက်ပျောရွက်များအစား

 

“ကြွပ် ကြွပ် အိတ်” ကနေရာယူသွားတယ်။

 

 

-ခုတော့

 

ကျေးလက် မြို့ပြ

 

သုံးကြတဲ့ ကြွပ်ကြွပ်အိတ်

 

ကမ္ဘာကြီးကို ထိတ်လန့်စေပြီ။

 

 

 

-ခိုင်ခံ့ စတိုင်ကျ

 

ဈေးပေါလှတဲ့ အိတ်

 

ကမ်ဘာ့ မြေဆီကို ပိတ်

 

သမုဒ်ဒရာ ရေကို ပိတ်

 

ဓါတ်ပြုသမျှ “အဆိပ်” ဆိုတာသိတဲ့အခါမှာ

 

ဘရိတ် အုပ်လို့ မရတော့ပါ။

 

 

-နှစ်ပေါင်း ငါးရာ တစ်ထောင်မပျက်စီး

 

ဂေဟ စနစ်ကို ဖျက်ဆီးတဲ့

 

ကြွပ်ကြွပ် အိတ် ရှေ့ခရီးကို

 

ရင်လေးပြီးကြည့်ရုံပဲလား။

 

 

 

- ကဲ “ငြင်းပယ်ကြ”

 

“အသုံးလျော့ချကြ”

 

“လုံးဝ ရှောင်ကြဉ်ကြ”

 

“ဥပဒေ နဲ့တားမြစ်ကြ”

 

 

 

အစဉ်လာ အင်ဖက်

 

စလူရွက်ပြန်သုံး

 

ကျွှန်တော်တို့ မြန်မာတွေ ............

 

“ကြွပ်ကြွပ် အိတ်” ကိုမုန်းကြစို့ဗျာ။

 

 

 

 

ဂျိမ်းစ်ကြောင်

 



Rss_feed

Categories

MYANMAR


ကြိုဆိုပါ၏


မြန်မာ့အလှ



အတွေး